زهرة الربيع

“أنتوا أكيد اتجننتوا! شقة إيه اللي تاخدوها ؟! عايزين تاخدوا شقتي اللي ابويا سبهالي تجوزوا فيها ابنكم …وانا ارجع لقرف البيت القديم …ده انا وافقت اسكن في شقتي ومرضتش اجرها عشان اطلع من الزحمه اللي هناك

حماتي زعقت فيا وقالت…ليه يا اختي مالها الزحمه اللي هناك ولا احنا مش قد مقامك يا بت

لسه هرد بس طارق تقدم نحوي، ووشه بقى أسود من الغضب، والوش الطيب اتمسح تماماً. مسكني من دراعي وقال بصوت قاطع زي السكينة:

​”بصي يا سارة.. أنا وعدت أهلي، وكلمتي مش هتنزل الأرض الشقة دي لأحمد، وهنروح شقتنا القديمه. ولو رفضتي أو كسرتي كلمتي قدام أهلي.. يبقى جوازنا ده بيخلص هنا وفورا!” ومش هتاخدي مني جنيه واحد …وابقي وريني هتعيشي و هتتصرفي ازاي بعيالك من غيري

​الكلمة صدمتني صدمة عمري جوزي اللي حبيته من كل قلبي بيخيرني بين ورثي وبين استمرار جوازنا عشان عيلته الطماعة.لا وكمان بيهددني بانه هيجوعنا

​وقفت ثواني مبرقة، مصدومة من بجاحته وجبروتهم.

من جوايا، كنت على آخري، وعايزة أصرخ في وشه وأرفض بعنف، وأطردهم كلهم برا الشقة، وكنت خلاص هطلع ورقة الـ 10 مليون أرميها في وشهم..واقوله اني مش محتاجاه

​لكن هديت في اخر لحظه وقررت اوجعهم بطريقه ميتوقعهاش

ابتسمت ببرود و​بصيت لطارق في عيونه مباشرة، وقلت:

​”خلاص.. ولا تزعل نفسك يا طارق.”

“مادام وعدتهم.. يبقى كلامك هو اللي هيتم.”

​الكل اتفاجئ من موافقتي السريعة، حتى طارق نفسه حس بالغرابة من تحولي المفاجئ. بس فرح بنفسه وقال بغرور قولتلكم ساره دي حببتي وسيبوها عليا

وبقى يبارك لاخوه هو وامه ​وأنا واقفة باصة لهم، بهدوء وانا مقرره اني ادفعه تمن كل كلمه قالها واحسره هو واهله بطريقتي الخاصه !!!!

ملحوظة القصة الكاملة ستجدها مثبتة في التعليقات علي الصفحه دي W A A D 👉🏻 مش في الجروبات اضغط بس ع اسم الصفحه هايطلعلك البوست باللينك ❤❤❤

حكايات زهرة الربيع

صلي على حبيب الله

في اللحظة اللي وافقت فيها على كلام طارق، حسيت إن كل حاجة جوايا اتغيرت. مش لأني ضعفت، ولا لأني خفت من تهديده، لكن لأني لأول مرة شفت جوزي الحقيقي من غير القناع اللي عاش سنين لابسه قدامي.

أنا سارة، عندي خمسة وتلاتين سنة، ومتجوزة طارق بقالي عشر سنين. عندي منه طفلين، يوسف عنده تسع سنين، وليلى عندها ست سنين. أبويا وأمي ماتوا من كام سنة، وسابولي الشقة اللي كنت عايشة فيها معاهم، شقة تمليك في عمارة محترمة في مدينة نصر، كانت أغلى حاجة عندي مش بس عشان تمنها، لكن عشان كل ركن فيها كان بيفكرني بيهم.