الرسالة
لكن أنا حسيت إنها بتخبي حاجة
مسكت تليفوني واتصلت بمدير الحسابات
رد عليا بعد كام رنة
قلت له
عايز كشف كامل بكل التحويلات اللي تمت من حساب الشركة خلال السنة اللي فاتت
قال
حضرتك الوقت متأخر
قلت له
ابعتهم دلوقتي
وبعد دقايق وصلتني الملفات
فتحت أول كشف
وبدأت أراجع
وبعدين لقيت اسم شركة مكنتش أعرفها
شركة صغيرة باسم مختلف تمامًا
لكن التحويلات ليها كانت بالملايين
الأغرب إن التوقيع الإلكتروني المستخدم في التحويلات كان باسمي
قلت
أنا عمري ما وقعت على حاجة زي دي
نجلاء قربت وبصت للشاشة
وقالت
مراتك كانت بتقول نفس الكلام
فجأة سمعت صوت خبطة جامدة تحت
سلمى قالت
حد دخل البيت
نزلنا كلنا بسرعة
وصلنا الصالة
الباب الرئيسي كان مفتوح
والهوا بيحرك الستارة
لكن محدش كان موجود
على الترابيزة لقيت ظرف بني
مكتوب عليه اسمي
فتحته
جواه فلاشة صغيرة
ومجموعة صور
أول صورة كانت لمراتي وهي خارجة من الشركة قبل الحادثة بيوم
الصورة التانية كانت لعربيتي
والتالتة كانت ليا وأنا واقف مع نجلاء قدام الشركة
لكن الصورة الأخيرة خلت الدم يتجمد في عروقي
كانت لمراتي وهي بتتكلم مع سلمى
قبل ما سلمى تشتغل عندنا بخمس شهور
بصيت لسلمى
وقلت
إنتي قولتي إنك عرفتي مراتي قبل الحادثة بأسبوعين
دي الصورة بتقول إن معرفتكم كانت قبل كده بكتير
سلمى سكتت
وبعد لحظات قالت
أنا كنت شغالة مع مراتك قبل ما أتوظف عندك
سألتها
في الشركة
قالت
لأ
في مكان تاني
قلت
فين
بصت لليلى وقالت
أنا كنت معاها في المستشفى يوم الحادثة
وقتها نجلاء شهقت
وأنا قربت من سلمى وقلت
إنتي كنتي هناك
ليه مخبيتي ده عني 11 شهر
قالت
لأن مراتك طلبت مني
قلت
طلبت منك إيه
سلمى بصت ناحية ليلى
وقالت
قالتلي لو حصلها حاجة متقوليش لك الحقيقة غير لما بنتها تتكلم
سكتنا كلنا
بصيت لبنتي
ليلى كانت واقفة بعيد ودموعها نازلة
