الرسالة
قلت له
إنت مين
ضحك ضحكة قصيرة وقال
أنا واحد كان موجود يوم الحادثة
وقبل ما ألحق أسأله أي حاجة قفل
بصيت للموبايل وبعدين رفعت عيني لنجلاء
كانت واقفة عند باب الأوضة ووشها متوتر
قلت لها
إنتي تعرفي مين كان موجود يوم حادثة مراتي
قالت بسرعة
ياسين أنا مقدرش أشرحلك كل حاجة دلوقتي
رديت عليها
لأ تقدري
إنتي هتشرحيلي كل حاجة
دلوقتي
سلمى وقفت بينا وقالت
أستاذ ياسين لازم تعرف الحقيقة
نجلاء بصتلها بغضب
إنتي مالك
سلمى ردت بهدوء
لأني وعدت مراتك قبل ما تموت إني أحمي بنتها
وقتها حسيت إن الأرض اتحركت من تحتي
بصيت لسلمى
وقلت
مراتي كلمتك قبل ما تموت
هزت رأسها
قالت
أيوه
من حوالي أسبوعين قبل الحادثة
قالتلي إنها كانت خايفة
سألتها
خايفة من مين
بصت لنجلاء
وسكتت
نجلاء بدأت تعيط وقالت
أنا مش السبب في موتها
بصيت لها وقلت
بس إنتي كنتي معاها قبل الحادثة
قالت
أيوه
كانت بتطلب مني أساعدها
تساعديها في إيه
سكتت شوية وبعدين قالت
كانت اكتشفت إن فيه فلوس بتختفي من الشركة
أنا بصيت لنجلاء باستغراب
قلت
يعني إيه
قالت
حسابات الشركة كان فيها تحويلات غريبة
ومراتك اكتشفت إن حد بيستخدم اسمك في معاملات إنت مكنتش تعرف عنها حاجة
وقتها افتكرت كل حاجة
السنين اللي قضيتها في الشغل
الثقة اللي كنت حاططها في الناس
والحسابات اللي عمري ما راجعتها بنفسي
قلت
ومين كان بيعمل التحويلات دي
نجلاء بصت للأرض
وقالت
أنا مش متأكدة
لكن مراتك كانت متأكدة إن الشخص ده قريب منك جدًا
سألتها
مين
قبل ما ترد
ليلى بدأت تعيط
سلمى قربت منها وحاولت تهديها
لكن ليلى كانت بتبص للصورة اللي في إيدي
وبعدين قالت بصوت واطي
ماما كانت بتخاف من عمو فادي
بصيت لها
مين فادي
نجلاء اتجمدت
وسلمى رفعت رأسها بسرعة
قلت
مين فادي
نجلاء قالت
موظف قديم في الشركة
