انتحال شخصية ايمان شلبي

اسكريبت بقلمي إيمان شلبي
صحيت من غيبوبة سنة كاملة… لاقيت أختي التوأم سړقت حبيبي، وشغلي، واسمي… وكل حاجة كانت في يوم من الأيام بتاعتي.
حاولت تفتح عينيها بالعافية.
النور كان حاد لدرجة خلتها تقفلهم تاني فورًا.
سمعت صوت جهاز جنب سريريها
وصوت ناس بتتكلم
حاولت تركز.
هي فين؟
وإيه اللي حصلها؟
آخر حاجة فاكراها…
إنها كانت خارجة من الشركة.
فاكرة إنها كنت طايرة من الفرحة
وفاكرة صوت آدم حبيبها وهو بيقولها قبل ما تقفل المكالمة
النهارده هكلم باباكي علشان اجي اتقدملك
طلعت رقم مامتها تبلغها
لكن قبل ما تسمع صوتها فجأه حاجه قويه ارتطمت بجسمها وقعتها علي الارض!!!
فتحت عينيها تاني بالعافية.
بصت يمين وشمال
لاقت نفسها علي سرير مستشفي
الاجهزه محاوطاها من كل جانب
حاولت تتحرك
آه ضعيفة خرجت منها.
وقتها انتبهت الممرضة اللي كانت واقفة بعيد
يا دكتووور!
جريت ناحية الباب وهي بتصرخ.
المړيضة فاقت!
المړيضة فاقتتتت تعالي بسرعه
ثواني ودخل دكتور ومعاه اتنين ممرضات.
الدكتور قرب منها وهو مبتسم.
حمد لله على السلامة
بصيتله بعدم فهم
أنا… فين وايه اللي حصل
في المستشفى
مستشفى ليه؟
نظراته اتبدلت للحظة.
وبعدين قال بهدوء
متتعبيش نفسك دلوقتي.
قلبها بدأ يدق بسرعة.
فين اهلي وآدم؟
سألته فورًا.
استغرب السؤال.
آدم مين؟
حبيبي
محدش رد
بصت بين الوجوه.
لقت نظرات غريبة.
نظرات شفقة.
وده أكتر حاجة خوفتها
هو فين؟
قبل ما حد يرد…
باب الأوضة اتفتح پعنف
كانت مامتها واقفة على الباب.
باصالها
ثابتة مكانها.
كأنها مش مصدقة اللي شايفاه.
ثانية…
واتنين…
وفجأة جريت ناحيتها
كارما
رمت نفسها عليها علي قد ما كانت موجوعه لكن كانت مشتاقه فضمتها وهي بتهمس
ماما
حبيبتي… بنتي… الحمد لله.
هو إيه اللي حصل ياماما فهميني وانا هنا بقالي قد ايه؟
مسحت مامتها دموعها وقعدت علي طرف السرير
بعدين يا حبيبتي.
لا دلوقتي.
قلبها بدأ يدق پعنف.
هو أنا بقالي قد إيه هنا؟
أمها بصت للدكتور.
الدكتور بص للأرض.
وعرفت إن الإجابة مش هتعجبها.
بلعت ريقها بتوجس
شهر؟
سكتوا.
شهرين؟
سكتوا برضو.
بدأ الخۏف يتسلل جواها
ست شهور؟
أمها اڼفجرت في العياط.
وفي اللحظة دي…
الدكتور قالها بمنتهى الهدوء.
الهدوء اللي دمر حياتي كلها.
انت في غيبوبه بقالك سنة
اتجمدت
حست إنها في حلم
أكيد لا.
أكيد فيه غلط.
سنة إيه؟
إزاي؟
سنة؟
سنة كاملة راحت؟
سنة من عمرها اتبخرت؟
سنة والدنيا كلها كانت ماشية وهي نايمة؟
بدأ نفسها يضيق
بصيت حوليها بتوهان
آدم فين؟
سكتت مامتها
وبصت للدكتور اللي سكت هو كمان
ولأول مرة تحس بالخۏف الحقيقي.
ماما ردي عليا
آدم فين
هو زهق ومشي صح
ا انا عارفه هو اكيد زهق من الانتظار
بلعت ريقها وطبطبت علي راسها
ارتاحي دلوقتي.
لا
صوتها بدأ يعلى
وبدأت ترتجف ودقات قلبها تزيد علي الجهاز
ماما عشان خاطري ردي عليا
آدم فين
د ده كان هيتقدملي ياماما
هو هو قالي أنه بيحبني..
وفجأة…
سمعت صوت ضحكة برا الأوضة.
ضحكة بنت
مألوفة.
مألوفة بشكل مخيف.
لفت وشها ناحية الباب.
ومامتها شحب لونها فجأة.
الدكتور اتوتر والممرضة
كلهم كانوا عارفين حاجة.
كلهم.
إلا هي
وفي اللحظة دي…
باب الأوضة اتفتح.
ودخلت اختها التوأم
لكن مدخلتش لوحدها
كانت ايديها في أيده
ايد آدم
حبيبها!!!
أول ما عينيها وقعت عليهم
شهقت
حسيت إن الډم اتسحب من جسمها كله
همست بذهول
آدم
ل ليلي!!
بصلها آدم بأستغراب.
ضم حواجبه وقال
أنتِ عارفاني؟!
اتجمدت.
وبصتله بعدم تصديق.
نعم؟
آدم… أنت بتهزر صح؟
بص ل ليلى اللي كانت واقفة جنبه
وبعدين رجع بصلها
انت تعرفي اسمي ازاي بجد
بلعت ريقها بالعافية وهمست
أنا كارما.
ساد الصمت.
ثانية.
واتنين.
وفجأة…
ضحك آدم ضحكة قصيرة من شدة الصدمة.
كارما
هزيت راسها بسرعة ولهفه
أيوة… أنا كارما
ا انا حبيبتك
بص ل ليلى اللي ماسكة إيده ووشها شاحب
وبعدين بصلها تاني.
كارما إزاي؟
شاور على ليلى.
أومال اللي واقفة جنبي دي تبقى مين؟!
حست إن الأوضة كلها بتلف.
بصيت لليلى.
وليلى بصتلها.
وفي اللحظة دي
شافت نظره انتصار،حقد،كُره
اتكلمت وهي بتنهج
دي ليلى ا اختي ا التوأم اللي كنت بحكيلك عنها
هز آدم راسه بنفي
مستحيل،انا متأكد أن دي كارما
صوته كان واثق.
واثق بشكل قټلها
كمل بهدوء
بقالنا سنتين كاملين مع بعض.
اكيد مش هتوه عنها
كانت حاسة إني بمۏت.
بصت لمامتها.
لاقيتها منزلة رأسها والدموع بتلمع في عيونها
وفجأة…
ليلي بنبرة كلها حزن مصطنع
مش قولتلك يا آدم
بصتلها بعينين مليانين دموع مزيفة
أنا قلتلك إنها هتعمل كده.
هزت راسها بيأس وكملت
كارما طول عمرها پتكرهني
صوتها بدأ يهتز وكأنها الضحېة
من وإحنا صغيرين وهي غيرانة مني.
وأول ما فاقت وعرفت إن حياتي استقرت
قررت تدمرها.
صړخت فيها
كذابة!
لكن ليلى كملت وكأنها مش سامعاها
شوفت بعينك؟
انا جيت لحد عندها رغم الآذي اللي شوفته منها وفي الآخر عايزه تاخدك مني،هي طول عمرها كده بتسيب اللي في ايديها وعايزه تاخد اللي في أيدي
بدأ يبصلها بنظرات قلق.
النظرات دي وجعتها أكتر من أي حاجة.
نظرات واحد فاكرها مچنونة
صړخت
أنا مش مچنونة!
أنا كارما!
أنا اللي كنت شغالة في شركة الجوهري.
أنا اللي كنت مديرة قسم التسويق.
أنا اللي كنت جاي تتقدملها
ليلي بتوتر
آدم خلينا نمشي ارجوك
الظاهر أن الحاډثه أثرت علي دماغها!
هزيت راسي بسرعه ولهفه
لا لا يا آدم والله العظيم انا كارما والله
بصيتلها بشراسة وصړخت فيها لدرجه دقات قلبي زادت اكتر
انتِ ايه ياشيخة عايزة مني ايه،بتكرهيني اوي كده ليه حرام عليكي انا اختك توأمك و……
شدت ايد آدم وفتحت الباب وخرجت
يالا يا آدم ارجوك مش قادره اسمع كلام تاني
سكتت شويه وبصتلي بخبث محدش قدر يشوفه غيري وكملت الجمله اللي قضت علي ما تبقي من نفسيتي
الزعل غلط عليا وعلي اللي في بطني!!
خرج آدم من أوضة المستشفى وهو حاسس إن دماغه ھتنفجر.
الكلام اللي سمعه من البنت اللي جوه كان غريب… مرعب.
وقف في آخر الممر ولف بص ل ليلي بتوتر وسكت
ليلى بقلق
آدم.
مردش فضل يبصلها بشرود وحيره
بلعت ليلى ريقها وسألته بتردد مصطنع
انت مصدقها؟
هز رأسه بسرعة
أكيد لا.
سكت لحظة.
بس.
قلبها دق پعنف.
بس إيه؟
زفر بضيق
معرفش حقيقي معرفش
قربت منه فورًا ومسكت إيده.
آدم انا كارما صدقني!
حاوط وشها بحنان
مصدقك ياحبيبتي
حاوطت أيده اللي محاوطة وشها وهمست
انا خاېفه اوي
بصلها باستغراب
من إيه؟
نزلت دموعها في اللحظة المناسبة
من إنها ترجع تعمل فيا اللي كانت بتعمله زمان.
ضم حواجبه
كانت بتعمل إيه؟
هزت رأسها وكأنها مترددة تحكي.
سيبك خ خلينا نمشي من هنا
هز رأسه بأصرار
قولي.
اتنهدت وقالت
من وإحنا صغيرين وهي كانت پتكره إنها تشوفني مبسوطة.
كل ما أتميز في حاجة كانت تحاول تاخدها مني.
كل ما حد يحبني كانت تحاول تلفت نظره ليها.
كل ما أنجح كانت تفضل تقلل مني
كانت بتنجح انها تاخد اللي في أيدي وبتنجح تلفت نظر الناس ليها وبتنجح تحبطني وتخليني فاشلة!
بصتله والدموع بتلمع في عيونها
عارف إن انا بالرغم كل ده مش قادره اكرهها
وسكتت شوية قبل ما تكمل بصوت مكسور
مع انها أكتر واحدة أذتني في حياتي
اتنهد آدم
وضمھا بهدوء ورقه
خلاص ياحبيبتي كفايه كلام عشان متتعبيش
أنا جنبك وبحبك
في اللحظة دي
ظهر شيء أشبه بالانتصار في عينيها وهي بتدفس وشها في صدره
رجعت بذاكرتها لسنة كاملة فاتت.
يوم الحاډثه
يوم ما الدكتور خرج يبلغهم إن كارما دخلت غيبوبة.
كانت أمها مڼهارة.
بټعيط.
وبتصرخ.
أما أبوها…
فكان أول سؤال سأله
يعني ممكن تفضل نايمة قد إيه؟
رد الدكتور
الله أعلم.
ممكن شهور… وممكن سنين.
ساعتها بص الأب ل ليلى.
وبصتله
وفي ثانية واحدة…
فهموا بعض.
من غير كلام.
من غير اتفاق.
من غير أي حاجة.
طمعه
وحقدها…
اتقابلوا في نفس اللحظة.
بعدها بأيام…
كانت واقفة قدام مكتب أبوها.
يعني إيه هنخسر كل حاجة؟
سألته بقلق.
رد وهو بيرمي الجريدة على المكتب
اختك واصله لمنصب كويس اوي في شغلها
قبضها وصل ل٥٠ الف في الشهر
ده غير آدم
سألته بفضول
مين آدم!
ابن صاحب الشركه وزميل كارما في الشغل
امك قالتلي أن في ما بينهم نظرات وهمسات
جايز توصل لجواز!!
سكت شوية.
وبعدين قال بنبرة كلها جشع
ولو فضلت نايمة سنين هنخسر كل حاجه
احنا لازم نتصرف
ابتسمت ليلى لأول مرة.
ابتسامة خلت أبوها يفهم اللي في دماغها فورًا
هتعرفي تمثلي انك هي!
بصتله بخبث
متنساش أننا توأم متطابق
ساد الصمت.
وبعدين…
ابتسم هو كمان.
ومن يومها…
بدأت اللعبة.
لعبة سړقة حياة كاملة.
اسم كارما بقى اسمها.
شغل كارما بقى شغلها.
أصحاب كارما بقوا أصحابها.
حتى آدم…
آدم نفسه.
بقى ملكها.
أما الأم…
فكانت كل يوم ټموت ألف مرة.
تشوف بنتها الحقيقية نايمة على سرير المستشفى.
وتشوف بنتها التانية عايشة حياتها.
وساكتة.
عاجزة.
مکسورة.
خاېفة تخسر البنتين مع بعض.
رجعت ليلى للحاضر.
وبصت
لآدم اللي كان ماشي جنبها.
بعدها ابتسمت بخبث وهي بتهمس لنفسها
سامحيني يا كارما
بس حياتك كانت أجمل من حياتي بكتير
وأنا استحقها أكتر منك
خرجت ليلى من المستشفى وهي متشبثة بذراع آدم كأنها خاېفة يختفي من جنبها في أي لحظة.
أما آدم… فكان ماشي معاها بجسمه بس عقله كان لسه هناك في اوضة كارما!
هز راسه پعنف وكأنه بيطرد الأفكار اللي اجتمعت جوا دماغه
ركبوا العربية.
ليلى قعدت جنبه وهي بتراقب ملامحه في توتر.
مالك يا آدم؟
مردش كان سائق بشرود
آدم!
التفتلها بأرتباك
هه،بتقولي حاجه ياحبيبتي
بقولك مالك ياحبيبي
زفر بضيق
متضايق
ليه؟
هز أكتافه بحيره
من علاقتك أنتِ واختك
ليه الكُره ده كله
انتوا اخوات ملكوش إلا بعض!
حاولت تبتسم
انا بحبها
وحاولت كتير اصلح علاقتي بيها
لكن كل مره كنت بلاقي كُره غير مُبرر
بص قدامه وسكت
لكن جواه كان في صراع
صراع يطول شرحه!
في المستشفى
كانت كارما قاعدة على السرير ودموعها مش بتقف
أختها سړقت حياتها كلها.
شغلها.
اسمها.
وحبيبها
رفعت رأسها فجأة
ماما.
انتفضت مامتها
نعم يا حبيبتي؟
ليه متكلمتيش؟
ليه مدافعتيش عني
ل ليه سمحتلها تنتحل شخصيتي
نزلت مامتها رأسها ودموعها نزلت
سامحيني.
اسامحك؟!
صړخت فيها لأول مرة
اسامحك إيه
أنا حياتي اتسرقت يا ماما
اتسرقت وأنا نايمة!
وأنتِ كنتِ بتتفرجي!
ردت بأنهيار
أبوكِ هددني.
يعني ايه هددك ؟!
كان بيقولي لو اتكلمت هيدخلني مصحة ويقول إني مچنونة.
ضحكت كارما ضحكة موجوعة
يعني بابا شارك في الچريمة
هزت راسها وكملت بنبرة مکسورة
طول عمره بيهمه مصلحته اكتر من اي حد
فردت ظهرها علي السرير ونامت علي المخده وغمضت عيونها بهدوء،إستسلام،وحيرة
كارما انا….
قاطعتها بتعب ووهن
لو سمحتي انا تعبانه مش قادره اتكلم
قربت منها وطبطبت علي رأسها وهي بتبص في عيونها بأصرار
فوقي ياكارما،فوقي ورجعي اسمك وشغلك واصحابك
سكتت لحظه بعدها همست
وآدم حبيبك
متسبهوش لحد غيرك
في نفس الوقت
كان آدم قاعد في مكتبه بالشركة.
قدامه ملف مهم جدًا.
لكن تركيزه كان في حتة تانية خالص
وفجأة…
دخلت ليلى المكتب
ابتسمت وقربت منه
حبيبي.
رفع عيونه وبدأ يركز
حركاتها،تصرفاتها،حتي طريقه مشيتها
ولأول مره بدأ يحس إن فيه حاجة مختلفة.
حاجة عمره ما انتبه لها قبل كده.
قربت منه بأستغراب وقعدت علي طرف المكتب وحاوطت رقبته
مالك؟
هز راسه
ولا حاجة
وفجأة سألها وهو بيحاوطها وبيبص في عيونها
كارما فاكرة أول مرة اتقابلنا فيها؟
اتوترت للحظة
بس حاولت تداري ده
أكيد
امتي وفين
بلعت ريقها وابتسمت ابتسامه مهزوزة
د ده امتحان مفاجئ ولا ايه؟
ابتسم بخفة وهز رأسه
بالظبط
رفعت حاجبها بشك
آدم،ا انت مش ملاحظ أن من وقت ما خرجنا من المستشفي وانت بتتصرف بشكل غريب،وبتسأل اسئله اغرب؟!
سكتت شويه وهو مكان سكت
قربت وشها من وشه بخبث
انت شاكك فيا يادومي
معقوله كلمتين من اختي اللي نايمه بقالها سنه يعملوا فيك كده
بلع ريقه بتوتر وهز رأسه
ل لا طبعاً ايه اللي بتقوليه ده!
انا بس بسأل سؤال عادي
هزت أكتافها بضيق
وانا مش هجاوب لان سؤالك وعيونك كلهم شك
قامت وقفت ولسه هتخرج أو بمعني اصح تهرب
مسك ايديها ورجعها تاني
استني بس انا مقصدش والله حقك عليا
بصتله بزعل وعتاب وسكتت
قام وقف وشدها ضمھا ليه
انتِ عارفه انا واثق فيكي اكتر من نفسي
ردت بعتاب
واضح،لدرجه انك علي طول سرحان وعلي طول في عيونك مليون سؤال و…..
انا بحبك
سكتت
قلبها هديت دقاته
وعيونها رجعت تلمع بمكر
عرفت